- Hardanger Spelemannslag
Bildegalleri
Knut Hamre 70 år og Hardingfolk i Granvin
Knut Hamre fylte 70 år den 3.mars 2022. Knut har med hardingfela representert Hardanger i ein mannsalder og har lagt ned eit enormt rekrutteringsarbeid i omlag 40 år, noko han held fram med den dag i dag! Hardanger Spelemannslag ynskjer å heidra og feira Knut og steller i stand konsert og dans i Trudvang laurdag 3.desember. Granvin Ungdomslag er med på laget og skal stå for matsalet.
Hjarteleg velkomne, alle saman!
Øvingar i laget 2022/2023
Det vert øvingar i laget i Trudvang, ungdomshuset i Granvin. Sjå bilete for tider og datoar. Nytt i haust er at det er danseøvingar for både born og vaksne, i tillegg til speleøvingar. Kom vert med, dette er kjekt!
Ein hyllest til Halldor Meland
Felespelar Halldor Meland (1884 – 1972) vert heidra med stor konsert på Hardanger folkemuseum fredag 1. april kl 19.30. Dette i samband med at over hundre år gamle Halldor Meland-innspelingar no har vorte restaurerte og gjevne ut på cd. Meland var ein svært sentral spelemann på 1900-talet, som både komponerte eigne slåttar og fornya det gamle slåttespelet.
![275050943_5515945095102130_8322569578288837881_n[1]](https://img8.custompublish.com/getfile.php/4992030.2018.jzkmpnt7a7wsma/195x0/0_4992030.jpg)
Dans, spel og song - Program og prisar
Klikk på lenka for å få opp program og prisar for helga!
Dans spel og song - alt pao ei gong
Det er atter ei gong duka for folkemusikkhelg i Granvin og Hardanger Spelemannslag steller i stand "Dans, spel og song - alt pao ei gong", eit kurs på Granvin barne- og ungdomsskule i folkemusikk og folkedans. På fredagen vert det konsert på Jaunsen med Svein Laingen Kjerland og Eivind Tanche-Larsen Knutsen, og på laurdagen vert det dans til GJEVRE/ODDE/VÅRDAL. Hardanger Spelemannslag vonar at dette vert ei særs triveleg helg med mykje folk og god stemning.
-trykk på biletet for større format.
Resultat frå Vestlandskappleiken 2021
15. oktober 2021 Les meir
Granvin 8.-10.oktober
Vestlandskappleik 2021 i Hardanger
Hjarteleg velkomne!
Hardanger Spelemannslag kan med stor glede invitere til Vestlandskappleik att!
Den blir i Granvin frå 8. til 10. oktober.
Påmelding:
Påmeldinga skjer via Folkorg sine nettsider (linken er vedlagt).
Overnatting:
Det er fullt på den lokale gjestgjevarstaden, men me jobbar kontinuerleg med å hjelpe alle som treng det til å finne seg alternativ overnatting. Det er også endå ledige rom på skulen for overnatting.
Har du spørsmål om overnatting kan du ta kontakt med Johanna Mjeldheim på telefon 905 68 877.
Sjokoladekappleik:
Det vert sjølvsagt Sjokoladekappleik (sjå vedlagt program). Påmelding til Sjokoladekappleiken kan sendast til info@hardingfolk.no.
Dansespel:
Me ynskjer veldig gjerne at de melder dykk på dansespel slik at me kan ha ei god oversikt over kven som til ei kvar tid står for denne viktige jobben. Påmelding til dansespel kan sendast til info@hardingfolk.no.
Program:
Det er gjort nokre få endringar på programmet. Konserten "Hans Selland 200 år" vert på fredag kveld. Runddanstevlingane er flytte til litt seinare på kvelden og Sjokoladekappleiken er flytta fram mot midten av laurdagen.
NB! Det kan kome endringar av tidspunkt og klassar, fyrst og fremst om det vert lite påmelding.
Er det elles noko de lurar på må de ikkje nøle med å ta kontakt på info@hardingfolk.no eller på telefon 906 26 084.
Oppdatert Program
På grunn av lite påmelding, har me sett oss nøydd til å gjera nokon endringar i programmet. Det er framleis mogleg å melda seg på, skund deg å gjera det innan onsdag 06.10!
HardingFolk i 2021-2022
Spelar du hardingfele, torader, dansar eller syng folkesongar?
Då er du hjarteleg velkomen til å delta på HardingFolk, ei kursrekkje i folkemusikk og folkedans frå Hardanger. Hardanger spelemannslag står som arrangør av heile 6 lokale kurs fram mot storkurset "Dans, spel og song - alt pao ei gong" i Granvin i mars 2022.
Sjå datoar og stader nedanfor og meld dykk på eitt, fleire eller alle kursa.