Kursstad er Opedal skule og «malen» på kursa er mykje det same som før, med unnatak av dans.  Der satsar me ikkje på direkte kurs, men ei samling for danseglade i alle aldrar som vil friske opp att kunnskapane sine i både runddans, bygdedans og turdans.For spele- og song glade vert det kurs på «gamle-måten» med desse som lærarar:

Hardingfele: Siri Dyvik, Johanna Mjeldheim, Erik Mjelde og Arne Jordan
Toradar: Ole Gjerde
Song: Solbjørg Tveiten

Kursa startar klokka 10 og varar fram til om lag klokka 16.00 inklusive ein god lunsjpause med Kari-Margrethe sin «berømte» taco-suppe og er ved dette høvet gratis for alle som er medlemar i laget – og andre som får høve til å verta medlemar.

Etter kursa vil det verta ei matøkt for dei som ynskjer å vera med på konsert/dans på Krossvoll om kvelden. Vonar difor på at du anten står på scenen eller sit i salen under konserten som startar kl. 19.00. Og -  alt er framleis gratis! 

Vel møtt til inspirasjonslaurdag på Lofthus

Hardanger Spelemannslag inviterar med dette til kurs i Granvin laurdag 14.mars 2015. Me satsar på lokale krefter i spel, song og dans medan durspelfolket får vitjing av ein gjestelærar – Arve Bjørn Røneid.  Arve Bjørn kjem frå Gaupne i Sogn og har ei lang merittliste både som musikar og komponist, med gull i solistklassen under NM i Steinkjer som førebels ”topp” på merittlista. I år vert det berre kurs på dagtid og ikkje dans om kvelden, slik me har hatt i dei siste åra, men me avsluttar som vanleg kursa med ein liten konsert for oss sjølve.

Hardanger Spelemannslag inviterar til konsert og kurs i Granvin 28-29.mars 2014 for alle mellom 10 og 99 år. Fredag kveld vert det konsert med Margit Myhr og Erlend Apneseth i Holvenstova, laurdag vert det kurs i dans, spel og song på skulen i Granvin på dagtid, og konsert og dans i Løo om kvelden.  Velkomne ska de ve...